2026/07/06

Marea Gora hitzaldi zikloak, Ikasteneko Esperientzia Eskolaren 18. Promozioak antolatuta, laugarren edizio honetako bigarren hitzordua ospatuko du asteazken honetan, uztailaren 8an, 19:00etan. Hitzaldia Debako Kultur Elkartean izango da eta sarrera doakoa izango da.

«Munduko ordena berria eta giza eskubideak: kaosaren eta erresistentziaren artean» izenburupean, Juan Hernández Zubizarretak egingo du saioa, globalizazio ekonomikoaren azterketa juridikoan eta horrek giza eskubideetan duen eraginean aditu nagusietako batek.

Zuzenbidean doktorea Euskal Herriko Unibertsitatean (EHU), Hernández Zubizarreta EHUko Enpresaren Zuzenbide Saileko irakaslea da, Latinoamerikako Multinazionalen Behatokiko (OMAL) ikertzailea, ‘Desmantelando el Poder Corporativo’ kanpainako kidea eta Herrien Auzitegi Iraunkorreko kolaboratzailea.

Bere ibilbidean zehar enpresa transnazionalen arteko harremanak, giza eskubideak, erantzukizun sozial korporatiboa eta nazioarteko arau sistemen bilakaera ikertu ditu. Liburu eta argitalpen ugariren egilea da, besteak beste, ‘Enpresa transnazionalak giza eskubideen aurrean: Asimetria normatibo baten historia’ (Hegoa eta OMAL, 2009) eta ‘Enpresa Transnazionalak Kontrolatzeko Herrien Nazioarteko Ituna’ (OMAL, 2017).

Horrez gain, Lima, Managua, Madril, Mexiko Hiria, Bartzelona eta Genevan egindako Herrien Auzitegi Iraunkorreko hainbat entzunalditan parte hartu du aditu eta epaile gisa.