2026/07/24

Debabarreneko Esperientzia Eskolaren 18. promozioak antolatutako Marea Gora hitzaldi-zikloaren 4. edizioa ospatu da Deban uztailean zehar. Hitzaldiek oso harrera ona izan dute eta, horregatik, antolatzaileek jasotako babesa eskertu nahi dute.

Lehenengo hitzaldia Toti Martínez de Lezea idazleak eman zuen, bigarrena Juan Hernández Zubizarretak eman zuen, Xabier Alberdi Lonbidek eman zuen hirugarrena eta zikloa uztailaren 22an amaitu zen Oihane Cabezas Basurkoren hitzaldi batekin.