2026/11/10

Ikasten elkarteak immigrazioaren inguruko aurreiritziak, zurrumurruak eta desinformazioa aztertzeko hitzaldia antolatu du ostegun honetarako, azaroak 12. «Immigrazioa: zurrumurruak desmuntatzen» izenburupean, Jagoba Egaña Larrañaga Eibarko Udaleko immigrazio teknikariak eskainiko du saioa, 10:00etan, Armeria Eskolan.

Eibarko Udaleko Gizartekintza Sailak azaldu duenez, hitzaldiaren helburua herriko biztanleriaren bilakaera aztertzea izango da, azken urteotan izan diren aldaketak ezagutzeko eta gaur egungo errealitate demografikoaren argazkia egiteko. Horrez gain, immigrazioaren inguruan zabaltzen diren zurrumurruak, gezurrak eta desinformazioak argitzen saiatuko dira, gaiari buruzko ikuspegi egiazkoagoa eta oinarri sendoagoa eskaintzeko.

Beste hitzaldi bat arratsaldean, Portalean

Bestalde, Gizartekin Sailak herritarrei gogorarazi nahi die egun berean, ostegunean, beste hitzaldi bat ere izango dela arratsaldean. 19:00etan, Portaleako areto nagusian, Youssef Ouled kazetari, ikertzaile eta ekintzaile antiarrazistak «Migrazioa, islamofobia eta bizikidetza: Ceuta ere ahotan hartuta» hitzaldia eskainiko du.

Ouled migrazioan, islamofobian eta giza eskubideetan espezializatuta dago, eta saioan gai horien inguruko hausnarketa egingo du, Ceutaren errealitatea ere hizpide hartuta.

Beraz, eguneko bi hitzaldietan parte hartzera gonbidatu dituzte herritar guztiak.