2026/11/15

Ikasten elkarteak Bilboko Euskalduna Jauregira bisita antolatu du azaroaren 24rako, astearterako, operaren barrualdea ezagutzeko. «Besaulkietatik ikusten ez dena ikusteko» aukera izango dute parte-hartzaileek, opera baten atzean dagoen guztia eta ikusleek normalean ikusten ez dituzten espazioak ezagutzeko.

Bisita 12:00etatik 13:30era bitartean egingo da, gutxi gorabehera. Bilbora trenez joango dira, Matikoko geltokiraino. Estazinotik 10:11n aterako da trena, eta Ardantzatik 10:12an.

Jardueraren prezioa 15 eurokoa izango da pertsonako, eta gehienez 30 lagunek parte hartu ahal izango dute.

Bisitan parte hartu nahi dutenek ikasteneibar@yahoo.es helbide elektronikora idatzi beharko dute izena emateko. Plaza kopurua mugatua denez, interesa dutenek garaiz egitea komeni da.